August 15, 2023
ធនាគារ ណុងហឹប ដែលមានមូលដ្ឋាននៅសាធារណរដ្ឋកូរ៉េ រួមជាមួយគ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន (ខេមបូឌា) ម.ក ក្រោមវត្តមានលោក Lee Seok Yong ជាប្រធាននាយកប្រតិបត្តិ ធនាគារ ណុងហឹប និង គណៈគ្រប់គ្រងនៃស្ថាប័នទាំង២ កាលពីថ្ងៃអង្គារ ទី៨ ខែសីហា ឆ្នាំ២០២៣ បាននាំយកជំនួយឧបត្ថម្ភជាសម្ភារ និង ថវិកា រួមមាន កញ្ចប់ថវិកា ៥.០០០ដុល្លារ និងអង្ករ ១តោន មី ៥០កេស ត្រីខ ៥០ដុំ ស្ករស ៥០គីឡូ អំបិល ៥០គីឡូ ប្រេងឆា ៣០ដប ទឹកស៊ីអ៊ីវ ៥០យួរ ទឹកត្រី ៥០យួរ ប្រគល់ជូនដល់អង្គការអាហ្វេស៊ីបកម្ពុជា (AFESIP Cambodia) និងផ្តល់ជូនដល់កុមារចំនួន ១៥៥នាក់ ដែលស្ថិតក្រោមការគ្រប់គ្រងរបស់អង្គការដោយក្នុងម្នាក់ៗ ទទួលបានសៀវភៅ ៥ក្បាល ប៊ិច ៥ដើម ខ្មៅដៃ ៥ដើម ជ័រលុប ១បន្ទាត់ ១ឈុត កាតាប១ និងដបទឹកចំនួន១ស្ថិតនៅក្នុងខណ្ឌដង្កោ រាជធានីភ្នំពេញក្នុងគម្រប់ខួប៥ឆ្នាំ នៃការចាប់ផ្តើមអាជីវកម្មនៅកម្ពុជា របស់គ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន (ខេមបូឌា) ម.ក។
June 29, 2023
ណុងហឹប ហ្វាយនែន បានដាក់ដំណើរការកម្មវិធី អិនអេច្ឆ ហ្វាយនែន ម៉ូបាល (NH Finance Mobile) ដើម្បីផ្តល់ភាពងាយស្រួល ប្រកបដោយភាពបត់បែនជូនអតិថិជន។ អតិថិជនអាចស្នើកម្ចី ពិនិត្យសមតុល្យ កាលបរិច្ឆេទបង់ប្រាក់ និងទទួលបានព័ត៌មានផ្សេងៗ ស្តីពីផលិតផល និងសេវាកម្ម ដែលផ្តល់ជូន តាមរយៈកម្មវិធី NH Finance Mobile។
ធ្វើការទាញយក NH Finance Mobile ឥឡូវនេះ!
June 10, 2022
នៅថ្ងៃទី៣០ ខែឧសភា ឆ្នាំ២០២២ គ្រឹះស្ថានមីកូ្រហិរញ្ញវត្ថុ ណុងហឹប ហ្វាយនែន (ខេមបូឌា) ម.ក បាននាំយកសម្ភារមួយចំនួន ជូនសាលាឃុំចំនួន ៥ ដែលស្ថិតក្នុងសុ្រកសន្ទុក និងសុ្រកបារាយណ៍ ខេត្តកំពង់ធំ ដើម្បីសម្រួលដល់ការងាររបស់សាលាឃុំ ក្នុងការផ្តល់សេវាសាធារណៈជូនប្រជាពលរដ្ឋទូទៅក្នុងសហគមន៍។ សម្ភារទាំងអស់មានដូចជា កៅអីជ័រចំនួន ៧៥កៅអី ធុងដាក់សំរាមចំនួន ១០ធុង ក្រដាសA4 ចំនួន ១០កេស រួម ទាំងថវិការមួយចំនួនផងដែរ។
June 10, 2022
ធនាគារ ណុងហឹប នៃសាធារណរដ្ឋកូរ៉េ រួមជាមួយគ្រឹះស្ថានមីក្រូហរិញ្ញវត្ថុ ណុងហឹប ហ្វាយនែន (ខេមបូឌា) ម.ក កាលពីថ្ងៃទី ២១ ខែមេសា ឆ្នាំ២០២២ បាននាំយកជំនួយឧបត្ថម្ភប្រគល់ជូនដល់អង្គការអាហ្វេស៊ីបកម្ពុជា (AFESIP Cambodia) ដែលស្ថិតនៅក្នុងភូមិ ២៤ សង្កាត់ព្រៃស ខណ្ឌដង្កោ រាជធានី ភ្នំពេញ។ បច្ចុប្បន្ន អង្គការនេះ បានកំពុងធ្វើការជួយដល់យុវនារី និងកុមាររងគ្រោះ ឬមានហានិភ័យខ្ពស់ដែលងាយរងគ្រោះ ដោយអំពើជួញដូរផ្លូវភេទ ហិង្សា រំលោភបំពាន រំលោភសេពសន្ថវៈ ដោយបានសហការជាមួយគ្រួសាររបស់ពួកគាត់ ក្នុងការផ្តល់សុវត្ថិភាព និងការផ្តល់យុទ្ធសាស្ត្រឱ្យចាកចេញប្រកបដោយនិរន្តរភាព។ ជំនួយឧបត្ថម្ភដែល ណុងហឹប ហ្វាយនែន បានផ្តល់ជូនដល់ អង្គការ អាហ្វេស៊ីបកម្ពុជា រួមមាន អង្ករ ២ តោន មី ២០០ កេស ត្រីខ ២០០ ដុំ ស្ករ ៥០ គីឡូ អំបិល ៥០ គីឡូ ប្រេងឆា ៥០ ដប ទឹកស៊ីអ៊ីវ ៥០ យួរ ទឹកត្រី ៥០ យួរ ម៉ាស់ ១០ ០០០ ម៉ាស់ អាល់កុល ៦០០ លីត្រ កុំព្យូទ័រ ៥ គ្រឿង រួមជាមួយនឹងកញ្ចប់ថវិកា ៥ ០០០ ដុល្លារ ហើយក៏មានការផ្តល់ជូនដល់កុមាររងគ្រោះចំនួន ១៤០ នាក់ ដែលស្ថិតក្នុងការគ្រប់គ្រងរបស់អង្គការដោយក្នុងម្នាក់ទទួលបានសៀវភៅ ៥ ក្បាល ប៊ិក ៥ ដើម ខ្មៅដៃ ៥ ដើម ជ័រលុប ១ បន្ទាត់ ១ ឈុត កាតាប ១ និងដបទឹកដ៏ស្រស់ស្អាតរបស់ ណុងហឹប ហ្វាយនែន ចំនួន ១ ផងដែរ។
July 31, 2020
ជាផ្នែកមួយនៃសកម្មភាពសង្គម ក៏ដូចជាគំរូល្អក្នុងការចែករំលែកដល់សាធារណៈជន និងកសាងទំនាក់ទំនងរឹងមាំជាមួយអាជ្ញាធរ និងភាគីពាក់ព័ន្ធ នៅថ្ងៃទី១៦ ខែមេសា ឆ្នាំ២០២០ ណុងហឹប ហ្វាយនែន បានចូលរួមវិភាគទានកៅអីចំនួន ៤០កៅអី ដល់អាជ្ញាធរមូលដ្ឋានក្នុងតំបន់ប្រតិបត្តិការ របស់សាខាខេត្តកណ្តាល ។
July 31, 2020
ដើម្បីចូលរួមចំណែក និងបង្ហាញពីការយកចិត្តទុកដាក់របស់ ណុងហឹប ដល់អតិថិជនដែលជួបនឹងស្ថានភាពលំបាក នៅថ្ងៃទី០៤ ខែមិថុនា ឆ្នាំ២០២០ ណុងហឹប ក៏បានបរិច្ចាគសម្ភារ និងគ្រឿងបរិភោគមួយចំនួនដូចជាអង្ករ ១០០គីឡូ ត្រីខកំប៉ុង ៥កេស ទឹកត្រី ២កេស មី ២កេស ស្ករស ៥គីឡូ អំបិល ៥គីឡូ ប្រេងសណ្តែក ២ដប ទឹកស៊ីអ៊ីវ ៣ដប និងថវិការសម្រាប់សប្បុរសធម៌ចំនួន ១០០ដុល្លារ ថែមទៀតផង។
June 22, 2020
ជាផ្នែកមួយនៃសកម្មភាពសង្គម ក៏ដូចជាការចូលរួមគាំទ្រលើវិស័យអប់រំនៅតាមសហគមន៍មូលដ្ឋាន យើងបានធ្វើការបរិច្ចាគនូវ សម្ភារសិក្សាមួយចំនួនដល់សិស្សានុសិស្សចំនួន ២៨៧នាក់ នៅសាលាបឋមសិក្សាព្រៃធំដែលស្ថិតក្នុងភូមិព្រៃធំ ឃុំគោខ្ចក ស្រុកកំពង់ត្របែក ខេត្តព្រៃងវែង។
June 22, 2020
ពីធីបុណ្យអុំទូក ត្រូវបានប្រារព្ធធ្វើឡើងទូរទាំងប្រទេស នៅខែវិច្ឆិកា ជារៀងរាល់ឆ្នាំ ហើយសកម្មភាពដែលសំខាន់បំផុតរបស់ពិធីបុណ្យនេះគឺ ការប្រណាំងទូក ដែលរៀបចំក្នុងរាជធានីភ្នំពេញ និងតាមបណ្តាខេត្តមួយចំនួនដែលមានទន្លេ។ នៅខែវិច្ឆិកា ឆ្នាំ២០១៩ ណុងហឹប បានបរិច្ចាគមួកចំនួន ៣០០មួក និងអាវយឺតចំនួន ៣០០អាវ ដល់អាជ្ញាធរក្នុងស្រុកកំពង់ត្រាច ខេត្តកំពត ដើម្បីជាការគាំទ្រ និងឧបត្ថម្ភដល់សកម្មភាពប្រណាំងទូកង របស់ប្រជាពលរដ្ឋក្នុងស្រុកកំពង់ត្រាច។
June 22, 2020
ដោយនេះជាផ្នែកមួយនៃកម្មវិធីអភិវឌ្ឍន៍បុគ្គលិករបស់ខ្លួន នៅឆ្នាំ២០១៩ នេះ ណុងហឹប បានបញ្ជូនបុគ្គលិកសំខាន់ៗចំនួន ១០នាក់ ទៅចូលរួមកម្មវិធីសិក្ខាសាលាសកល របស់ធនាគារណុងហឹប ក្នុងទីក្រុងសេអ៊ូល សាធារណៈរដ្ឋកូរ៉េ រយៈពេលមួយសប្តាហ៍។ ដែលចូលរួមសិក្ខាសាលានេះរួមមាន ប្រធាននាយកដ្ឋាន ជំនួយការប្រធាននាយកប្រតិបត្តិ ប្រធានខេត្ត ប្រធានសាខា ប្រធានក្រុមមន្ត្រីឥណទាន និងបេឡាករ។ កម្មវិធីសិក្ខាសាលាសកល ត្រូវបានរៀបចំឡើងសម្រាប់សមាជិកអន្តរជាតិ នៃណុងហឹបគ្រុប (NHFG) ក្នុងការសិក្សា និងចែករំលែក។
June 22, 2020
ស្ថាប័ន បានរៀបចំកម្មវិធីសន្និបាតបុគ្គលិកប្រចាំឆ្នាំ ដែលមានរយៈពេល ២ ថ្ងៃ គឺចាប់ពីថ្ងៃទី១៤ ដល់ ទី១៥ ខែធ្នូ ឆ្នាំ ២០១៩ នៅរមណីយដ្ឋានឋានសួរបូកគោ ខេត្តកំពត។ សន្និបាតបុគ្គលិកនេះ ត្រូវបានរៀបចំឡើងក្នុងគោលបំណងលើកកម្ពស់ក្នុងការកសាងក្រុម បុគ្គលិក និងកិច្ចប្រជុំរបស់បុគ្គលិក។
