June 11, 2024
នៅថ្ងៃទី០៨ ខែសីហា ឆ្នាំ២០២៣ ដែលនេះជាលើកទីពីរហើយដែល ណុងហឹប ហ្វាយនែន បានបរិច្ចាគដល់អង្គការអាហ្វេស៊ីប (AFESIP Cambodia) ដែលជាអង្គការផ្តោតលើសុខុមាលភាពរបស់ស្ត្រី និងកុមារីរងគ្រោះនៅទូទាំងប្រទេស។ ណុងហឹប ហ្វាយនែន ជាមួយនឹងតំណាងធនាគារណុងហឹប នៃសាធារណរដ្ឋកូរ៉េ បានរួមគ្នាឧបត្ថម្ភសម្ភារសិក្សា និងសម្ភារមួយចំនួនដូចជា អង្ករចំនួន ១តោន មីចំនួន ៥០កេស ត្រីខចំនួន ៥០ប្រអប់ ស្ករសចំនួន ៥០គីឡូក្រាម អំបិលចំនួន ៥០គីឡូក្រាម ប្រេងសណ្តែកចំនួន ៣០កេស ទឹកស៊ីអ៊ីវចំនួន ៥០យួរ ទឹកត្រីចំនួន ៥០យួរ និងកញ្ចប់ថវិការចំនួន ៥.០០០ដុល្លារ។
May 5, 2023
នៅថ្ងៃទី១៥ ខែកក្កដា ឆ្នាំ២០២២ គ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន (ខេមបូឌា) ម.ក បាននាំយកនូវសម្ភារប្រើប្រាស់ មួយចំនួនដូចជា កៅអីចំនួន ៤៥កៅអី ធុងសំរាមចំនួន១៤ធុង និងថវិការមួយចំនួន ផ្តល់ជូនដល់សាលាបឋមសិក្សា ក្រវ៉ាន់ និងសង្កាត់នគរធំ ដែលសិ្ថតក្នុងកុ្រងសៀមរាប ខេត្តសៀមរាប ដើម្បីរួមចំណែកក្នុងការអភិវឌ្ឍសហគមន៍ និងបង្ហាញនូវការចែករំលែកចំពោះសង្គម ក៏ដូចជាការយកចិត្តទុកដាក់ទៅលើវិស័យអប់រំ និងកីឡា នៅកម្ពុជា។
June 10, 2022
ធនាគារ ណុងហឹប នៃសាធារណរដ្ឋកូរ៉េ រួមជាមួយគ្រឹះស្ថានមីក្រូហរិញ្ញវត្ថុ ណុងហឹប ហ្វាយនែន (ខេមបូឌា) ម.ក កាលពីថ្ងៃទី ២១ ខែមេសា ឆ្នាំ២០២២ បាននាំយកជំនួយឧបត្ថម្ភប្រគល់ជូនដល់អង្គការអាហ្វេស៊ីបកម្ពុជា (AFESIP Cambodia) ដែលស្ថិតនៅក្នុងភូមិ ២៤ សង្កាត់ព្រៃស ខណ្ឌដង្កោ រាជធានី ភ្នំពេញ។ បច្ចុប្បន្ន អង្គការនេះ បានកំពុងធ្វើការជួយដល់យុវនារី និងកុមាររងគ្រោះ ឬមានហានិភ័យខ្ពស់ដែលងាយរងគ្រោះ ដោយអំពើជួញដូរផ្លូវភេទ ហិង្សា រំលោភបំពាន រំលោភសេពសន្ថវៈ ដោយបានសហការជាមួយគ្រួសាររបស់ពួកគាត់ ក្នុងការផ្តល់សុវត្ថិភាព និងការផ្តល់យុទ្ធសាស្ត្រឱ្យចាកចេញប្រកបដោយនិរន្តរភាព។ ជំនួយឧបត្ថម្ភដែល ណុងហឹប ហ្វាយនែន បានផ្តល់ជូនដល់ អង្គការ អាហ្វេស៊ីបកម្ពុជា រួមមាន អង្ករ ២ តោន មី ២០០ កេស ត្រីខ ២០០ ដុំ ស្ករ ៥០ គីឡូ អំបិល ៥០ គីឡូ ប្រេងឆា ៥០ ដប ទឹកស៊ីអ៊ីវ ៥០ យួរ ទឹកត្រី ៥០ យួរ ម៉ាស់ ១០ ០០០ ម៉ាស់ អាល់កុល ៦០០ លីត្រ កុំព្យូទ័រ ៥ គ្រឿង រួមជាមួយនឹងកញ្ចប់ថវិកា ៥ ០០០ ដុល្លារ ហើយក៏មានការផ្តល់ជូនដល់កុមាររងគ្រោះចំនួន ១៤០ នាក់ ដែលស្ថិតក្នុងការគ្រប់គ្រងរបស់អង្គការដោយក្នុងម្នាក់ទទួលបានសៀវភៅ ៥ ក្បាល ប៊ិក ៥ ដើម ខ្មៅដៃ ៥ ដើម ជ័រលុប ១ បន្ទាត់ ១ ឈុត កាតាប ១ និងដបទឹកដ៏ស្រស់ស្អាតរបស់ ណុងហឹប ហ្វាយនែន ចំនួន ១ ផងដែរ។
June 10, 2022
នៅថ្ងៃទី៣០ ខែឧសភា ឆ្នាំ២០២២ គ្រឹះស្ថានមីកូ្រហិរញ្ញវត្ថុ ណុងហឹប ហ្វាយនែន (ខេមបូឌា) ម.ក បាននាំយកសម្ភារមួយចំនួន ជូនសាលាឃុំចំនួន ៥ ដែលស្ថិតក្នុងសុ្រកសន្ទុក និងសុ្រកបារាយណ៍ ខេត្តកំពង់ធំ ដើម្បីសម្រួលដល់ការងាររបស់សាលាឃុំ ក្នុងការផ្តល់សេវាសាធារណៈជូនប្រជាពលរដ្ឋទូទៅក្នុងសហគមន៍។ សម្ភារទាំងអស់មានដូចជា កៅអីជ័រចំនួន ៧៥កៅអី ធុងដាក់សំរាមចំនួន ១០ធុង ក្រដាសA4 ចំនួន ១០កេស រួម ទាំងថវិការមួយចំនួនផងដែរ។
June 23, 2020
ពីធីបុណ្យអុំទូក ត្រូវបានប្រារព្ធធ្វើឡើងទូរទាំងប្រទេស នៅខែវិច្ឆិកា ជារៀងរាល់ឆ្នាំ ហើយសកម្មភាពដែលសំខាន់បំផុតរបស់ពិធីបុណ្យនេះគឺ ការប្រណាំងទូក ដែលរៀបចំក្នុងរាជធានីភ្នំពេញ និងតាមបណ្តាខេត្តមួយចំនួនដែលមានទន្លេ។ នៅខែវិច្ឆិកា ឆ្នាំ២០១៩ ណុងហឹប បានបរិច្ចាគមួកចំនួន ៣០០មួក និងអាវយឺតចំនួន ៣០០អាវ ដល់អាជ្ញាធរក្នុងស្រុកកំពង់ត្រាច ខេត្តកំពត ដើម្បីជាការគាំទ្រ និងឧបត្ថម្ភដល់សកម្មភាពប្រណាំងទូកង របស់ប្រជាពលរដ្ឋក្នុងស្រុកកំពង់ត្រាច។
May 26, 2020
ជាផ្នែកមួយនៃសកម្មភាពសង្គមក៏ដូចជាការចូលរួមគាំទ្រលើ វិស័យអប់រំ នៅតាមសហគមន៍មូលដ្ឋាន យើងបានធ្វើការបរិច្ចាគនូវសម្ភារសិក្សាមួយចំនួនដល់សិស្សានុសិស្សចំនួន ២៨៧នាក់ នៅសាលាបឋមសិក្សាព្រៃធំ ដែលស្ថិតក្នុងភូមិ ព្រៃធំ ឃុំគោខ្ចក ស្រុកកំពង់ត្របែក ខេត្តព្រៃងវែង។
May 26, 2020
ដើម្បីចូលរួមចំណែកក្នុងការជួយដល់ក្រុមគ្រួសារ អាចទទួលបានសម្ភារទឹកស្អាត ណុងហឹប ហ្វាយនែន បានបរិច្ចាគធុងចម្រោះទឹកស្អាតចំនួន ៣០០ ធុង ដល់គ្រួសារក្រីក្រនៅខេត្តកំពង់ធំ តាមរយៈធនាគារជាតិនៃកម្ពុជា នៅថ្ងៃទី ២៧ ខែធ្នូ ឆ្នាំ២០១៨។
